今晚，我兩年九個月零十四日以嚟嘅第34次相睇，地點同樣都係三元里嗰間美華嘅一樓，今次我坐嘅係162號檯。

個女仔姓黃、叫阿燕，86年，大朗人，喺花園酒店做電話客服。

其實我對佢并唔抱啲咩希望，因為佢生得仲高過我。就算佢唔嫌我矮，我都未必可以接受。

唔知今次會係我最後一次相睇定只係漫長嘅相睇歷程裏面嘅其中一站呢？我真係好希望可以喺某一次相睇裏面，不經意之間就搵到一個合適嘅女仔嚟結束哩一段感覺好似永遠無盡頭嘅尋覓。