之前同一個女仔發過幾晚短信、通過一次電話，今日終於約佢出嚟食咗餐飯——喺五號停機坪，中午十二點。個女仔姓黎、叫阿儀、86年，嘉禾望崗人，喺新市附近一個小區嘅居委做嘢。聽佢講，佢好鍾意食有咖喱風味嘅越菜嘎。

雖然之前通過電話同短信傾過幾句，但係見面之前一直都好忐忑，我根本唔知佢係一個點樣嘅女仔，而我第一眼見到佢係喺五號停機坪嘅7號門，如果無記錯嘅話，嗰時係中午十二點二十四分。

十個月之前，我可以講係喺五號停機坪跌低嘅，我真係好希望自己可以喺五號停機坪哩度企返起身，真係好希望過咗今日之後，自己對五號停機坪哩個地方唔會再有陰影。

2013年12月7號，我同佢第一次見面。今日佢著住一件綠色嘅長袖“冷衫”同一條黑色嘅短裙、揹住藍紫色手袋、攔住一件深藍色嘅長褸。

今日係第一次，唔知會唔會係唯一嘅一次，仲會唔會有下一次呢？拭目以待！

五號停機坪　2013.12.07