唔知點解，哩幾日做嘢覺得特別辛苦，連續幾日落哩真係好攰。今日仲要咁早起身，去到鬼咁遠飲餐茶，下晝仲要開工，其實真係唔係幾想去㗎。不過，無辦法啦。

第46次相睇，地點係上次周記隔離嗰間嘉麗一樓嘅A08號檯，個女仔姓李、喺一間美容院做前台。

記得6月7號，啱啱高考嘅第一日，婷婷生咗個仔，雖然佢調過嚟無幾耐，而且佢長駐新城、我之前就一直喺新市，所以同佢唔係咁熟，但係我都好為佢開心。睇住個群裡面成個屏幕都係“恭喜”“恭喜”……其實我真係好羨慕。

唉！唔知我會唔會有哩一日呢，唔知到時啲同事會唔會好似對婷婷噉樣為我送上祝福呢？