唔知點解，今晚“美华”鬼咁多人，食餐飯居然要攞號等位，於是我哋去咗隔離嗰間“鲜有鱼川粤菜馆”。而家先省起，好似連個女仔叫咩名我都未知，淨係知道佢係嘉禾嗰邊嘅人、住喺羅崗、喺地鐵站啲報刊亭做銷售。

唉！唔理囉，如果急有用嘅話怕者我早就結咗婚。或者正如啲人安慰我嗰時使用嘅統一標準用語噉啦：“緣分未到啫，緣分伊啲嘢好難講嘅。”

PS.
聽講前幾日妗婆入咗院、要做手術，唔知佢而家點呢？好耐無見過妗婆囉，上一次見面已經係舊年過年嗰時嘅事，希望佢可以快啲好返啦。