上完一個Ｓ班落嚟，收工之後仲要去同一個陌生嘅女仔食飯、應酬、寒暄……嗰種感覺，真係好攰。

其實，我真係唔明山西九毛九有乜咁好食，但係好多女仔都好中意。

今晚，第57次相睇，地點又係百信廣場嗰間九毛九。個女仔姓何、叫阿珍、86年、喺政務中心嗰邊一間物管公司做文職。

曾經聽人講：二十出頭係男人一生之中嘅最低谷，而女人卻正處於一生之中最美好嘅年華，如果有一個女仔喺伊個時候願意留喺你身邊、陪你一齊挨窮、一齊奮鬥，你一定唔可以辜負佢，因為，佢將自己一生之中最青春嘅時光獻咗俾一生之中最落魄嘅你——男人，絕對唔可以棄糟糠！

仲有四個月就踏入二字頭嘅最後一歲啦。好遺憾，伊個女人一直都無出現過。喺成長嘅過程當中，我聽過好多夫妻相處之道，但係始終搵唔到一個可以夫妻噉樣相處嘅人。

每當過完年之後都會有好多人辭職，今年都唔例外。連小小強都走咗啦，不過，佢臨走前都喺公司搵返個對象，真係唔可以唔佩服佢。點都好啦，人往高處走，希望佢喺聯通可以有更加好嘅前途——同埋，同蘿莉可以早日修成正果。

賢弟，加油啊！