第60次相睇，喺美華一樓175號檯，個女仔好似叫阿妃、87年嘅。

因為要趕住去上夜班，所以我連電話都唔記得留就走咗囉，留低我阿媽喺度陪佢哋母女仲有個媒人坐。

個女仔幾靚㗎，感覺有啲Shadow嘅影子，不過因為太靚喇，估計應該睇唔上我。

個女仔好似喺黃石嗰便做幼兒園老師，住喺嘉禾。

今朝收工返嚟先知，原來噚晚我出咗門口之後屋企火燭，出動咗四部消防車嚟救火，我阿媽俾人漏夜帶咗返派出所問話，唔單只我老竇老母成晚無得瞓，就連姨媽都瞓唔著，跟埋去派出所睇住先放心。

最後，罰咗三千蚊，勒令整改杜絕消防隱患，噉樣件事先算告一段落。

唉，最近真係黑過墨斗。

喺山重水複疑無路嘅之後，係唔係真係會柳暗花明又一村？我真係唔知。