好早就聽人講過女人善變，衹係好少領教過。一直都發展得好地地，話散就散，其實好難接受之餘更加難理解。

不過點都好喇，已經無得返轉頭，過咗去就由得佢過去。

我唔恨佢，起碼喺我老竇走嗰段時間佢係我唯一嘅慰藉。

講起身，我應承咗送兩包麥提莎、兩張航天幣、一份生日禮物同一份情人節禮物俾佢都完全無兌現到——因爲我阿媽話老竇啱啱走，送嘢俾人人哋會覺得唔吉利，噉樣反而喫力不討好。

點都好啦，伊啲嘢無得勉强嘅。咁大個人係要學會成熟㗎喇。

阿婷，我理解你、祝福你。