蝶舞鶯飛又一年　花開花落沒淒然
此情早付東流水　卻趁春潮到眼前

梁羽生啲小說睇得唔多，而且好多情節都已經唔記得曬。唯獨卓一航寫俾練霓裳嘅哩首詩令我過目不忘。

 

2046年、地球上は无限に伸びている鉄道网に覆われている。一両の2046行きの特别列车が动いている。2046へ行く乗客たちの目的はただ一つ、失われた记忆を取り戻すためだ。それは2046では全ての物事が永远に変わらないからである。これは真実かどうかは谁も知らない、今までそこから戻ってきた人は一人もいないからだ、私を除いては。

2046を离れるためには长い时间がかかる。简単に离れる人もいれば、长い时间をかける人もいる。自分がどれくらい长くこの列车にいたかはもう思い出せない。寂しさを感じ始めた。

なぜ2046を离れたかを闻かれる旅に、私は言叶を浊してごまかす。昔、心に人に告げられないを抱えているとき、彼は山の深くに行って、ある木に穴を开けて、それに向かって秘密を言った后土で穴を埋めれば、この秘密はもう他人に漏らされることはない。私はかつて一人の女を爱した。しかし彼女は行った。私が2046に行く理由は彼女がそこのどこかにいると思うからで、しかし彼女を见つけることはできない。彼女が私のことが好きかどうかを知りたいが、ずっと答えを得られないでいる。その答えは秘密のように、永远に谁にも知られない。

全ての记忆は濡れている。

——《2046》

玩咗八日，今日真係要走啦。

日本，さよなら！

 

今日搭咗成日車，但係一個景點都無去過。
聽日就走啦。
唉，有啲唔捨得添。

今日嘅行程本來排得好滿嘅，又東京鐵塔又原宿。但係因為噚日行得好攰，噚晚太夜瞓，朝早實在起唔到身，所以淨係去咗明治神宮。
今晚係最後一晚留喺東京啦，聽日就要搭飛機返大阪。
雖然我同哩座城市一啲關係都無，但係都有啲唔捨得添。

東京之旅嘅第六日，終於有收獲啦，今日喺秋葉原買咗隻陀錶，兩萬八千幾円，大概一千七百幾蚊啦，用短期護照可以優惠5%，刷銀聯卡又有5%嘅優惠。
今朝仲搭水上巴士去咗台場，台場附近有一座1：1嘅高達模型，再行過啲就係一個俗稱係“調色板”嘅摩天輪。

今日朝早坐Sky Bus遊覽東京，跟住去秋葉原繼續噚晚嘅旅程。今日表妹終於買到佢夢寐以求嘅Sony nex 5t 啦。同中國喺網上嘅報價相比，喺日本買都算幾抵。

買完相機就去咗Sky Tree參觀，途中仲經過雷門添，東京嘅夜色真係好靓。

 

 

 

今朝喺大阪第一飯店退咗房，去附近一間吉野家食完飯之後就坐新幹線嚟東京啦，足足搭咗兩個幾鐘。喺一間叫做“Hotel Lungwood”嘅酒店住。
東京感覺上比大阪仲要繁華，不過有啲惗唔明嘅係，大阪啲人喺搭手扶電梯嘅時候會習慣靠右企，但係東京習慣靠左。
今日喺秋葉原行咗好耐，表妹想買部微單，但係佢睇啱嗰部Sony Nex 5t無貨，淨係買咗條耳機。不過佢今日嘅收獲都算好豐富囉，秋葉原嗰個地鐵站外面有一間AKB48嘅專賣店，聽講佢喺裡面兜幾個圈就買咗兩千幾円嘢，真係唔明點解佢咁鐘意AKB48嘅。
買唔到心儀嘅相機，表妹點都唔甘心，聽日仲要去秋葉原睇過喎。
好攰囉，瞓覺。
こんばんは東京。
PS：表妹話想買個“ I ♥ Japan ”嘅鎖鎖扣，話驚俾身邊啲人睇到鬧佢，但係我又覺得無咩大不了喎。

 

 

噚晚真係瞓得好好。本來原定七點起身嘅，但係真正搞掂曬啲嘢已經八點幾囉。
喺酒店食完早晨之後就去咗觀景平坦，跟住下晝就去咗大阪城公園同通天閣。
本來表妹惗住今晚漏夜咗夜行巴士去東京嘅，但係佢竟然六點半先知人哋六點就停止售票。搞到一籌莫展，最後都係要搵返正太嚟幫手。
今日行咗成日，好攰啊。
聽講東京落緊雪喎，我咁大個人都未見過落雪，其實都幾期待㗎。
但係表妹話喺新華社嘅微博睇到東京大雪導致多班航班同列車延誤或取消，又有啲擔心。希望順順利利啦！

 

 

 

第一次行出國門，目的地就係日本。
第一次體驗哩種騰雲駕霧嘅感覺，原來搭飛機唔係我想像中咁舒服。
因為四點九要同表妹佢哋集合，我阿媽四點就要起身煮飯俾我食。香港中旅嘅直通巴士五點半準時喺中國大酒店開車，去到赤臘角機場先八點半。但係要十二點七先可以登機，嗰幾個鐘真係好期待啊，不過好彩感覺唔算太漫長。
當飛機喺大阪關西機場降落嘅時候係下晝四點，即係東京時間五點，天都黑齊囉。
今晚喺大阪第一飯店過夜。
大阪こんばんは。

 

 

 

 

 

唔驚唔覺就初七啦，時間過得真係快。雖然按照傳統要到十五之後先算過完農曆新年，但係一般嚟講初七初八啲人就要開工啦，高速公路亦都踏正十二點開始收費。

今晚，咁啱又係夜班。

自從做咗哩份工之後我已經兩年唔喺屋企過年，但係我阿媽唔會好似其他父母噉，知道仔女返唔到屋企過年就表現得好失望、好幽怨、好唔開心，佢反而開解我： “唔緊要啦，過年同平時都係一樣噉過嘅啫。等你得閒再煮返啲好嘢畀你食啦，最緊要畀心機做嘢。”我聽咗之後雖然覺得好不是滋味，但係無辦法啦。雖然過年都 要開工，但係已經比之前嗰份工好好多囉。2010年我喺吉之島駐場嗰陣根本連休都無得休，大年初一睇住人哋一家大細出嚟行街，雖然吉之島嘅人氣好旺，但係 自己感覺好孤單。當時有一個沙特人用好唔標準嘅普通話同我講咗句“靚仔新年快樂”之後我就忍唔住流眼淚。

不過今年已經好過之前嗰兩年好多啰，起碼年卅晚可以喺屋企過，年初二又唔知開工，就係年初一要上個夜班。

初四去咗探妗婆，舅公啲孫已經好大個啰，當年我同表妹爭住抱嘅嗰啲小朋友而家都長成高富帥。有時覺得祖先真係好偏心，大家都係佢嘅後代，舅公啲孫個個都米八幾、鬼咁靚仔、名牌大學畢業，而且家底豐厚，又有股份分又有屋租收，我就一副純種屌絲嘅款。

每逢過年，無論有親戚嚟坐定係去人哋屋企拜年都係一次次身心俱疲嘅煎熬。喺閒談寒暄之餘，總要面對啲親戚各種各樣嘅提問。自己嘅細路讀書叻嘅，肯定會問人 哋考試考成點；自己啲仔女搵到份好工嘅，肯定會問人哋喺邊度做嘢、工資待遇點；自己啲仔女有對象嘅，肯定會問人哋有無男女朋友、幾時結婚……總之，只要睇 下一個人講啲咩話題、問人哋乜嘢，就知道佢喺邊方面撈得特別好——至於自己都嘛嘛地嘅嘢肯定唔會主動攞出嚟講。不過對於最近微博上討論得最多嘅哩種“中國 式親戚”，我又唔會太過反感，畢竟可以令自己引以為豪嘅嘢梗係想搵機會講出嚟同人分享㗎啦。而且，無理由因為噉樣就認定人哋有惡意啩？與其話嗰啲“中國式親戚”喺提問之餘藉機曬命，我更加願意相信佢哋真係關心我、為我著緊。

嗰日我仲跟住我阿媽同姨媽去參觀咗舅父佢哋間新屋。成二十層樓咁高，整片城區盡收眼底。哇！噉嘅景觀、噉嘅視野，真係無得頂！

初六嗰日波波搵我調班，我去咗白雲新城嗰邊上。收工嗰時已經十點幾，因為我實在唔想去崗貝路口搭車，所以就行咗去綠地中心嗰邊白雲公園嗰個站搭地鐵。行到地鐵站嘅時候見到有班又係準備搭地鐵嘅女仔邊行邊傾計，其中有一個講咗句：“翠婷噚晚喺微信度同我講‘我同男朋友分咗手啦，大家祝我分手快樂啦’噉喎。”我唔肯定佢哋講嗰個“翠婷”係唔係就係阿婷，但係唔知點解我突然間覺得百感交集，講唔出係咩滋味。初三嗰日上個Ｕ班，同海燕仲有何生三個人喺入口傾咗好多關於感情嘅問題。海燕問我：“都快整整一年了，怎麼還這麼癡情？”我話：“我經常跟自己說，我已經放下了，可是到底放下了沒有，我也不知道。”唉，就連無意中聽到一群陌生人嘅一句閒談都可以咁神經過敏。睇嚟，之前我強迫自己唔好再惗佢，話已經放低咗都係自己“呃”自己。

唔知係哩個世界變得太快定係我適應得太慢呢？每當新嘅一年開始之後我都好難接受到上一年已經離開嘅事實，今年亦都唔例外。2013年明明已經永遠唔會再返轉頭，但係我似乎對2013哩個數字仲係念念不忘。整整一個月嘅時間，“2113 2014”都係我喺工作記錄簿、非正常信息表同繳款單上面例牌嘅寫法。但係唔知由邊日開始，我不知不覺噉習慣咗2014，唔會再惗都唔惗就喺日期嗰欄寫“2013”。

原來，2013嘅離去并唔係乜嘢大不了嘅事，只係我需要一啲時間嚟適應哩種改變。2013唔會再返嚟，但係我嘅生活仍然要繼續。我應該做嘅唔係為2013而一直鬱鬱寡歡落去，而係以當初對待2013嘅態度去珍惜2014。

哩個道理我明，我亦都希望我可以做得到！