今晚美華又有人擺酒，費事等位等得太耐，於是又去美華隔離嗰間食。

個女仔姓陳、叫阿玲、聽講好似住喺鶴邊，都幾靚㗎，不過唔知人哋睇唔睇得上我啫。

唉，因為之前阿叔個女結咗婚但係我仲未有對象，噚日返鄉下摘龍眼，幾乎俾人集體批鬥。

如果可以嘅話，真係希望可以早日成家——唔係為我阿媽嘅唉聲嘆氣、唔係為姨媽嘅“唔好太揀擇”、亦都唔係為伯娘嗰句“想早啲飲到你杯茶”⋯⋯而係為我自己。

其實有時好迷惑：婚姻係一座圍城我信、喺外面嘅人固然想入去，乜喺裡面嘅人真係咁想出嚟咩？

關於錢老，有兩句話流傳得比較廣：

第一句毫無疑問：“婚姻是一座圍城”。

而第二句就係：“我見到她之前，從未想到要結婚；我娶了她幾十年，從未後悔娶她；也未想過要娶別的女人。”

我唔知第二句出處喺邊、係唔係真係錢老講嘅，我只係覺得，對於婚姻嘅描述，伊兩句話完全矛盾。

我無資格質疑錢老，只係惗唔明：點解人哋嘅婚姻係一座圍城，時刻想出嚟，而佢自己嘅婚姻就“從未後悔”“也未想過娶別的女人”呢？

其實，