伊排休年假，五日年假排咗我休十日，周相公真係待我不薄。再加上之前幫依依上咗個夜班，佢話14號還班俾我，所以我可以連休13日。班表一出嚟，嗰啲僆妹又幫我規劃假期又俾建議我去邊度旅遊，仲興奮過自己休年假。

但係我心態就好平靜，咁得閒，肯定逃唔過相睇㗎喇。

第62次相睇，地點喺東江二樓A32號檯。個女仔又係齊姨介紹嘅，姓梁、叫阿玲、喺匯僑做社區工作。

唉，到底有無機會，拭目以待囉。