我的相睇歷程——第62次

伊排休年假，五日年假排咗我休十日，周相公真係待我不薄。再加上之前幫依依上咗個夜班，佢話14號還班俾我，所以我可以連休13日。班表一出嚟，嗰啲僆妹又幫我規劃假期又俾建議我去邊度旅遊，仲興奮過自己休年假。

但係我心態就好平靜，咁得閒，肯定逃唔過相睇㗎喇。

第62次相睇，地點喺東江二樓A32號檯。個女仔又係齊姨介紹嘅，姓梁、叫阿玲、喺匯僑做社區工作。

唉，到底有無機會，拭目以待囉。

4 關於 “我的相睇歷程——第62次” 的評論

  1. connie

    你好，本人相睇了幾次都無下文
    感到很氣餒灰心
    路過此地見到blog主相睇左幾十次仍未成功，但仍繼續努力，充滿正能量
    因此稍稍感到釋懷，振作起來
    感謝你
    祝福你早日遇到對的人！

    1. Greensun 文章作者

      多謝。
      其實唔需要灰心唔需要氣餒嘅，慢慢嚟啦，緣分嘅嘢真係好難講。
      衹要心存希望，我相信你一定可以遇到你想搵嘅嗰個人。
      Best wishes.

  2. YU

    你好 本人路過此地 本來都有打算相睇
    但唔知點解見到BLOG主你相睇咁耐都未成功 開始有D動搖
    希望你我都早日得償所願(´ー`)

    1. Greensun 文章作者

      老實講，你哋香港人都係崇尚自由戀愛嘅，“相睇”兩個字感覺上似乎真係同印象中嘅你哋格格不入。
      其實相睇衹係其中一種擇偶嘅渠道嚟啫，條條大路通羅馬，唔一定話要行死一條路嘅。
      喺相睇之餘都仲可以拓展下自己嘅社交圈子，好似積極啲參加公司搞嘅活動啊、多啲出席朋友嘅聚會啊噉啦……或者會遇到啱嘅都唔定。緣分嘅嘢好難講嘅，唔嚟嘅時候點望都唔嚟，一嚟擋都擋唔住。好似余春嬌同張志明，淨係喺後巷食烟都可以由此展開一段感情你話伊啲嘢點講呢？總之，唔好氣餒就係啦。
      祝你早日覓得如意佳偶。

評論功能已關閉。