第73次相睇，地點又係美華，二樓A01號檯，個女仔叫安安、86年，屋企住喺黃沙崗——從來未聽過有個噉嘅地方，條村應該好細。

今次係個女仔主動問我“防唔方便加個微信”，不過後嚟我阿媽話趁我去咗廁所嘅時候，佢話我唔講嘢、乜都係佢講，噉樣好無癮。

唉，佢公司派咗佢去廈門嗰間廠，每隔三個月先可以休一次探親假，最快要出年三月先可以調返廣州。我惗發展嘅機會都唔大。

大前日去咗醫院睇牙，個醫生話我有“智齒”、要掹、有話要補、又話根管治療，要分幾次做，而家惗返起真係骨都痺埋，後日又要去啦，真係唔知幾時先搞得掂。以後都要好好愛護牙齒。